قصيده ثورة مصر

ثورة مصر

يسلم دراعك
ياللي وقفت
تقول للي باعك
كفاية وحرام
دا احنا بشر
ما احناش بقر
ولا احنا جذام
هبيت في وقفة
وصرخة وصقفة
الكل قال
عندي عيال
عايزين فلوس
عايزين غموس
عايزين نعيش
بس مافيش
رضينا بقليله
وهمّ من يشيله
صبرنا وصبرنا
وقلنا هنصبر
ما احنا زمان
عبرنا وعبرنا
ومهما يعدي علينا هنعبر
=============
بس التقينا
قدام عينينا
نفوس او كروش
عمالة تكبر
وتكبر وتكبر
قمنا ونادينا
وقلنا يا رب
يا شاهد علينا
تعبنا وقاسينا
ما عادش في ايدينا
بلدنا بتصغر
وغيرنا صغير
بس بيكبر
قمنا ونادينا
الله اكبر
مصر العظيمة
مصر الكريمة
حرام تبقى هاينة
يا دنيا علينا
=========
ست وراجل
شغال وعاطل
كنيسة وجامع
وعمال مصانع
الكل قال
يحيا النضال
وباسم الإله
وباسم الرجال
لازم نغير
===========
إحنا شباب
مالي قلوبنا
مُر وعذاب
م اللي بيسرق
واللي بينهب
دهب أو تراب
وإحنا يا عيني
واكلين هباب
يا ما نادينا
ما رد وش علينا
وإن قلنا لأ
خلاص مش هنسمع
كفوف فوق قفانا
ايدين فوق وشوشنا
بتألم وتوجع
==========
قلنا حرام
عليك يا ابن آدم
ما تبقاش علينا
قاسي وظالم
دا احنا غلابة
ما احناش في غابة
دا احنا بنطلب حاجة بسيطة
ماهيش خيال
وماهيش عبيطة
=========
جينا الميدان
قلوبنا ماليها
براءة وإيمان
بنطلب حقوقنا
لقينا رصاص
بيفلق قلوبنا
بينهش لحومنا
ودم وشهيد
بيروي حكاية
شعب عنيد
شعب مجيد
بيكتب تاريخنا
في ثورة خلاص
==========

قشطه عليك يا

ميدووووووووو

تسلم يا محمد....................و تحية خاصة لشهداء الحرية

» خاص .. الأهلي والزمالك يرحبان بإقامة مباراة ودية لصالح شهداء ثورة 25 يناير
» قصيده كلمنى شكرا