ازاى ترخم على صاحب صاحبك

طبعا انت داخل تسلم على صحبك لقيتة واقف مع وحد انت متعرفوش
اول حاجة هتسلم على صحبك عادى جدا
وتقوم باصص للحلو دا من فوق لتحت كدة وتبدا كلام مع صحبك ولا كانك شوفت الكائن الغريب اللى بينكوا
وانت مجيتش امبارح لية يا صحبى وفينك واكلام دا
قعدتوا مثلا واتكلمتوا شوية
تقوم مرة واحدة قايل لصحبك هو مين دا وتعمل نفسك بتوطى صوتك
هيقولك دا محمد صحبى مثلا
اهلا اهلا
مخدتش بالى يا مشمش ازيك وبتاع
كل ما مشمش يتكلم انت تدخل بحوار تانى خالص وتقطع كلامة
طبعا مشمش ميعرفكش هيتضايق ويكتم ف نفسة
وانت تفضل تتكلم عادى خالص واول متخلص قولة انت كلية اية يا حمادة
حمادة هيبصلك وقبل ميقولك مثلا تجارة تقوم انت لاحقة اكيد بيطري
هاها وتضحك ضحكة عسل كدة
هيقولك لا انا ف كلية كذا
قولة مش بطال بس شكلك مش باين علية خالص يا ميدو
وكمل حوارك عادى وكل شوية تخبط على رجلة كدة وتقولة منور يا ابراهيم
هيقولك محمد يا عم قولة معلش مخدتش بالى او نسيت
اصل فى واحد صحبى اهبل شبهك اوى
افتكرتك هو وطول القعدة كل شوية تقولة يا ابراهيم
واى حد ييجى يسلم تعرفة علية وتقولة ابراهيم
هيقولك محمد يا عم مش ابراهيم اصل بصراحة لما تنادى لحد من غير اسمة بيتضايقاوى واحنا هدفنا دا
وتاخد نمرتة وتقولة هسجلك هيما
ممكن توحوا بقا كافتيريا ولا ححاجة وتقولة لازم تشرب حاجةمينفعش يا روما وبتاع
وتفضل تلح على دماغة لحد مدماغة يوجعة ف الاخر هيقولك نسكافيةمثلاتقومانت بكل تلقائية قايلة اربعة جنية
هيتصدم شوية وهيدفع وتقول لصحبك بقا هتطلباية هيقولك شاى مثلا تقول لهيما اية يا روما هتحاسب لصحبك ولا انت منهم
شكلك منهم هيضطر يثبتلك انةمش منهم ويطلع وبلاش انت تطلب بقا عشان كدة هيما ممكن يقل ادبة عليك

منا ممكن ارخم عليه بطريقه عاديه:ممكن مسلمشى عليه وتبقى رخامه؟ هههههههههههه

أحسن حاجة أريح دماغي منهم
ههههههههههههههه

طب وانا ارخم عليه ليه
؟؟؟؟؟؟؟؟؟؟؟؟؟؟؟؟؟؟؟
كل ده عشان تشرب ببلاش

» براحتك ياعم ...!!! اعرف صاحبك وعلم عليه
» ازاى تقفل النت بباسورد